حقيقى مفيش فيدباك ولا وصف يكفى انتوا كنتم سبب بعد ربنا احصل على أول وظيفة ليا مش بس علشان الفرص والمبادرات اللى بتقدموها لكن علشان بتخلقوا الكومينتى اللى من نفس مجالنا اللى هو لو مستفدتش من فرصة هستفاد من الناس اللى حواليك اول مرة ادخل بيئة نقية محترمة والتيم عمرى ما سألته وقصر معايا شكرا لبشمهندس مينا لوجودك وذوقك فى الرد دايما والتيم كله ربنا يكرمكم دنيا وأخره يارب

تك زون ف الاول انا عرفتها من واحد صحبي و قالي خش و بتاع ف قولت مش خسران حاجه دخلت بس بصراحة طلع الموضوع احسن من اللي ف دماغي بكتير متوقعتش كل الشراكات دي استفدت منهم كتير عروضهم كلها فعلا مضمونة مش كلام و بس و شراكات تقيلة و تفيد الشباب ف مجال العمل جدا و ناس مجتهدة و بتعمل أقصى ما عندها بدون مقابل يعتبر عشان الاستفادة ربنا يجعلها ف ميزان حسناتكم يارب و تستفادوا بإذن الله و ربنا ينفع بيكم عباده و يستعملكم و لا يستبدلكم يارب بإذن الله

أنا لو فضلت اتكلم على قد ايه انا معجبة بمجهودكم وبحب قد ايه انكم بتفكروا في الشباب والله الكلام مش هيكفي، مش فاكرة ازاي وصلتلكوا بس انا ممتنة للوقت والشخص اللي وصلني بيكم فضلت فترة في البداية مش بهتم اوي باللي بتنزلوه لأني شخص بالفعل مش مجال تك ودي كانت حاجة مأثرة عليا بس مع الوقت كنت بتشد للحاجات اللي بتنزلوها لأني أوريدي عندي شغف بالتكنولوجيا ومكانش عندي الفرصة اني ادخل كلية ليها علاقة بدا ف ابتديت اشوف الفرص اللي بتنزل اشتركت في حاجات كنت مهتمة بيها استفدت اوي اوي اوي بجد وبالمناسبة انا كنت شخص غير منظم بالمرة اتعلمت التنظيم منكم، اتعلمت ان مفيش مستقبل او ارادة بتقف قصادها كلية او مسمي "خريج كلية ايه" ف هتنفع في دا او لأ، بجد عقليتي اتغيرت كتير، كفاية روح الشباب والإيثار والشغف اللي جواكم اللي تلقائيا بتجدد نية كل واحد عنده شغف لحاجة بس وقع ، بيرجع تاني لمجرد انه شاف منكم ان ازاي بتتعبوا علشان هو يتعلم ويوصل انا دي نقطة متأكدة منها مليون في المية لأني أنا أكبر دليل على دا ومتأكدة ان غيري هو كمان كدا، وشكرا على النتوورك اللي انا وصلتلها بسببكم وانكم حطيتوني ف وسط ناس عايزة تتعلم وطموحة لأن دي كانت صعبة بالنسبالي ف شكرا جدا، انتوا فرقتوا في حياتي من غير ما تحسوا بجد ومتأكدة ان فيه كتير زيي انتو أكبر سر بعد ربنا سبحانه وتعالي للوصول شكرا من كل قلبي تيم تك زون وانا دلوقتي بقا هدفي اني اتعلم فعلا واشتغل علي نفسي وأوصل وابقي جزء منكم أساعد الشباب معاكم❤️

التيم دة شخصيات جميلة كل واحد بيحاول يساعدك حتي لو مش في ايدة انه يساعدك وحتي لو مش عارف بيدور ويسأل عشان يجاوبك

حقيقي نقلني في حته تانيه خاااااالص فبجد شكرا جدااا ♥️♥️♥️♥️

الطلاب فعلا كانو محتاجين لكيان زي دا فعلا فرق معايا انا كتير

معظم الجامعات والكليات محتاجه كومينيتي زي تك زون عشان تقدر تطور من مهارات طلابها و توسيع مداركهم لاستقبال سوق العمل ليهم

من احسن الكومينتيز اللى بجد بتهتم أن الطلبة توصل للى محتاجينه من كورسات و تدريبات و فرص كتير

أنا جزء من الكومينتي من أكتر من سنة، واستفدت فعلًا من السيشنز اللي عملتوها عن LinkedIn والـCV، وكمان الأكسس بتاع DataCamp، غير كورسات Oracle اللي كانت متاحة مجانًا. بصراحة الكومينتي ده مختلف، دايمًا بيسعى يساعد الطلبة ويوفر لهم كل الفرص الممكنة. وحابب أوجّه شكر كبير جدًا لكل المسؤولين والمشرفين والمنظمين، على تعبكم وتنظيمكم وجهدكم المستمر. وجودكم بيفرق معانا كطلبة بشكل حقيقي، وربنا يجازيكم خير على كل حاجة بتقدموها.

حقيقى حضراتكم حريصين على مساعدتنا بشكل كبير وتوفير شراكات مع المنصات العالميه وده بيتم بشكل سريع ومنظم فشكرا ليكم

استفدت ف مبادرة داتا كامب و بجد كان رهيب اوي و اتبسط اوي و استفدت كتير بصراحة

كنت سعيد الحظ ب منحي منحه في داتا كامب و بصراحه المسئولين قمه ف الاحترام و الرقابه الفعاله

Just expressing how grateful I am for such a generous opportunity for us to learn and grow, and hopefully, you will see the result of this generosity in your student's future.

Thank you for helping people to become better

شكرا علي دعكم في تعليم ورفع مستوي الشباب وفتح فرص جديدة ليهم حقيقي ممتن لكرمكم ودعمكم في واحد من أهم المجالات علي الاطلاق

كانت التجربة جيدة جدًا بشكل عام، والتنظيم كان في المستوى، كما أن طريقة تقديم الدروس كانت واضحة ومفيدة.

شرحه حلو جدا و بيتعمق في الشرح مع انه بيقول حاجات مفيده للشغل

Engaging explanation and the experience was very smooth.